19 қарашаға ауа райы болжамы: 6 облыста дауылды ескерту жарияланды

19 қарашада Қазақстанның алты облысында дауылды ескерту жарияланды.

Күндіз Солтүстік Қазақстан облысының солтүстік-батысында бұрқасын күтіледі. Оңтүстік-батыстан соғатын желдің күші күндіз 15-20 м/с, облыстың батысында екпіні 23 м/с жетеді. Петропавлда күндіз оңтүстік-батыстан жел соғады, екпіні 15-20 м/с.

Түнде Қарағанды ​​облысының орталығында – бұрқасын. Облыстың батысында, оңтүстігінде тұман түседі. Оңтүстік-батыстан, батыстан жел соғады, түнде облыстың шығысында екпіні 15-20 м/с. Жезқазғанда түнде және таңертең тұман түседі.

Қызылорда облысының солтүстігі мен орталығында тұман түседі.

Таңертең және күндіз Алматы облысының солтүстік-шығысында, оңтүстігінде – көктайғақ, облыстың оңтүстігі мен шығысында солтүстік-шығыстан жел соғады, екпіні 15-20 м/с.

Ақмола облысының солтүстік-батысында – тұман. Солтүстік-батыстан соғатын жел оңтүстік-батысқа ауысады, күндіз облыстың солтүстік-батысында екпіні 15-20 м/с. Көкшетауда жел солтүстік-батыстан оңтүстік-батысқа ауысады, күндіз екпіні 15-20 м/с болады.

Батыс Қазақстан облысының солтүстігінде – тұман, көктайғақ. Оңтүстік-шығыстан, оңтүстіктен жел соғады, күндіз екпіні 15-20 м/с. Оралда – көктайғақ, түнде және таңертең тұман. Оңтүстік-шығыстан, оңтүстіктен жел соғады, күндіз екпіні 18 м/с.