«182 мың теңге үшін»: Теміртауда қылмыскер әйел 3 жылға сотталды

Теміртауда әйел қайтыс болған адамның банк картасын ұрлаған. Сотталушы криминалист болып шықты, деп хабарлайды Orda.kz.

Сотталушы полиция басқармасында криминалист болып қызмет атқарған. Ол қызмет бабымен мәйіт табылған пәтерге барған. Криминалист тексеріс кезінде марқұмның атына рәсімделген банк картасы мен бір параққа жазылған құпия кодты тауып алады. Оқиға орнынан кеткеннен кейін банкоматқа барған. Есепшоттан 182 000 теңгені шығарып, өз қажеттілігіне жұмсаған.

Жәбірленуші тарап қылмыстық істі тоқтатуды сұраған. Себебі материалдық шығын толығымен өтелген. Сотталушының жасаған ісіне өкінетінін айтып, бұрын сотталмағанын және асырауында 3 кәмелетке толмаған жас баласы бар екенін алыға тартып, сот үкімін жеңілдетуді сұрады. Сот шешімімен Қылмыстық кодекстің 188-бабы (ұрлық) бойынша қылмыстық іс тоқтатылды.

Дегенмен 361-баптың 2-1-бөлігі (лаузымдық өкілеттіліктерді теріс пайдалану) бойынша криминалист әйел кінәлі деп танылып, 3 жылға бас бостандығын шектеу жазасы кесілді. Оған өмір бойы мемлекеттік қызметте жұмыс істеуге тыйым салынды.