18 жыл отбасының тәрбиесін көрген баланы, 1 жылда қайта тәрбиелеу мүмкін емес - қорғаныс министрлігі

Жамбыл облысында әскерге шақырылған сарбаз Әлібек Қалбайдың қазасына қатысты пікір білдірген Қорғаныс министрінің орынбасары Сұлтан Камалетдинов әскери бөлімдердегі жағдайдың жақсарғанына, сарбаздар арасындағы қарым-қатынасқа тоқталды.

«Біз шара қолданып жатырмыз, шара қолданбаймыз деп отырған жоқпыз. Қарулы Күштерде ұйымдастырушылық та, техникалық жағынан да алуан түрлі шаралар жүргізілуде. Үнемі бақылау жүргізіліп отырады. Әр бөлімде, бөлімшелерде психологтар бар. Оларды психологиялық тұрғыдан бақылайтындар. Әскери бөлімдерде бақылауды үнемі командирлер жүзеге асырады» деді Сұлтан Камалетдинов Мәжіліс отырысында.

Оның айтуынша, олар бір жолдас екіншісіне жауап беретін «Жауынгер дос» тәжірибесін де енгізген. Бұл ретте Қорғаныс министрлігі казармалар мен жеке құрам орналасқан орындарда бейнебақылау жүргізеді.

«Кадрлармен тәрбие жұмысы да бар. Бірақ жас жігіт 18 жыл отбасында тәрбиеленген болса, онда бір жылда кешіресіз, біз оны қайта тәрбиелей алмаймыз. Біздің басты міндетіміз – оған білім ретінде Отанын қорғауды үйренуі үшін әскери мамандық негіздерін беру. Ол балабақшада, мектепте, ең бастысы, отбасында тәрбиеленген» деді қорғаныс министрінің орынбасары.

Сұлтан Камалетдинов Әлібек Қалбайды өлтірді деген күдіктінің жуырда ғана келген әскери қызметке келгенін түсіндірді.

«Олардың қандай қарым-қатынаста болғанына қазір жауап бере алмаймын, олар батыс облыстарынан. Бірі Атырау облысынан, екіншісі Маңғыстау облысынан келген» деп түйіндеді ол.

Еске салсақ, 18 сәуірде Әлібек Қалбай Құрлық әскерлерінің оқу-жаттығу орталығы болып табылатын 30212 әскери бөліміне қызметке келген. 21 сәуірде жауынгер жасақтау кезінде есінен танып қалған. Жас жігітке қажетті медициналық көмек көрсетілді, бірақ келесі күні ол әскери госпитальда қайтыс болды. Марқұмның әріптесі адам өліміне әкеп соққан жарғылық ережелерді бұзды деген күдікке ілінді.

Президент Қасым-Жомарт Тоқаев сарбаздың отбасы мен жақындарына көңіл айтып, оның өлімінің себебін анықтауды да тапсырды.