18 жастағы турист Көкжайлаудан түсе алмай, оны құтқаруға тура келді

Төтенше жағдайлар министрлігінің құтқарушылары  жоғалып кеткен жас жігітті түнде таудан тапты.

Көкжайлаудан түсе алмай, байланысқа шықпаған 18 жастағы туристі іздеуге мәжбүр болдық, деп хабарлайды ведомствоның баспасөз қызметі.

«13 тамызда сағат 1.15-те Төтенше жағдайлар министрлігінің республикалық жедел-құтқару жасағының жедел тобы тауға жоғалған саяхатшыны іздеуге шықты. 2005 жылы туған жас жігіт 12 тамыз күні таңертең Көкжайлау жолына шыққан. Телефон байланысы қолжетімсіз. Таңғы сағат үште құтқарушылар жігітті таудан іздеп тапты. Нөсер жаңбыр мен түн қараңғылығына байланысты турист өздігінен төмен түсе алмағаны белгілі болды. Сағат 5.20-да жас жігіт туыстарына тапсырылды»  деп хабарлады ТЖМ.

Төтенше жағдайлар министрлігі құтқарушылары «тауға шықпас бұрын жолды, ауа райы жағдайын зерттеп, туыстарыңызға немесе достарыңызға өз маршрутыңыз және болжамды қайту уақыты туралы ескерту керектігін. Сонымен қатар су өткізбейтін сөмке,  қуат банкін, сіріңке алуды ұмытпаңыз» деп ескертеді.