«170 млн теңге»: Астанада мемлекеттік компанияның басшысы пара алғаны үшін сотталды

cover Фото: freepik.com

Астана қаласының қылмыстық істер жөніндегі мамандандырылған ауданаралық соты делдал арқылы аса ірі мөлшерде пара алғаны үшін К.-ға және парақорлыққа делдал болғаны үшінД.-ға қатысты істі қарады, деп хабарлайды Orda.kz. 

К. көп пәтерлі тұрғын үй кешені құрылысының жобасы бойынша аванс аударып және сметалық құнын түзетіп, делдал арқылы ЖШС-нің нақты иесінен пара ретінде аса ірі мөлшерде, жалпы сомасы 140 000 000 теңге және 68 000 АҚШ долларын (30 388 520 теңгеге бара-бар)алған. 

Д., пара алу бойынша делдал бола отырып, сотталушы К.-ға және «К» ЖШС-нің нақты иесіне пара алуға және беруге көмектескен. 

«Сот үкімімен К. ҚК-нің 366-бабының 4-бөлігімен кінәлі деп танылып, мүлкі тәркіленіп, мемлекеттік қызметте және квазимемлекеттік сектор субъектілерінде лауазымдарды атқару құқығынан өмір бойына айыра отырып, оған 10 жыл мерзімге бас бостандығынан айыру жазасы тағайындалды» делінген хабарламада. 


Жаңалықтар

барлық жаңалықтар