17 жастағы жүкті қыздың жоғалуына қатысты жаңа ақпарат пайда болды

Түркістан облысында бір айдан астам уақыт бойы кәмелетке толмаған жүкті қыз іздеуде болған. 17 жастағы Назым Алдаш ауруханаға шығып, жоғалып кеткен. Туыстары БАҚ өкілдеріне жүгінген соң ғана қыз табылған. Олар Назымның жоғалып кеткеніне қатысты жаңа мәліметтермен бөлісті.

Қыздың анасы Отырар басылымына бірден полицияға хабарластық деп сендірді. Назымды іздеу ұзаққа созылып, одан хабар болмаған.

«Адамды сонша уақыт қалай іздеуге болады? Ол өзі жүкті, қайда жүрсе де жүруі қиын» дейді қыздың анасы Күлжамила Бекетова.

Назымның анасының айтуынша, өткен жылдың қазан айында қызын Алматыға бара жатқанда ұрлап кетіп, оны күштеп күйеуге бермек болған. Бойжеткен жұмыстан шығып, Тараздағы күйеу жігіттің үйінде қалып, Назым жүкті болған, неке рәсімделмеген. Анасы қызына қонаққа келгенде Назымның жүзінен өмір сүруге құлқы жоқ екенін көрген. Бойжеткен соққыға жығылғанын айтып, үйіне алып кетуді сұраған.

«Қызым көгала қойдай болып кеткен. Ол оны қой бағуға мәжбүрлеп, үнемі ұрып-соғатынын айтты. Ол оны қамшымен сабап, байлап, тепкілегенін айтты. Біз оны алып кеттік. Содан бір айдан кейін ол үйден ауруханаға кетіп, жоғалып кетті. Назымның досымен хат алмасып жүргенін білдік, таптық. Ол Назымды алып кету үшін оны күйеуі ұйымдастырғанын айтты» дейді анасы.

Қыздың туыстары БАҚ өкілдеріне жүгінген соң Назымға халықаралық іздеу жарияланған. 28 наурыз күні кәмелетке толмаған жүкті әйел Жамбыл облысының Жаңатас қаласынан табылды. Полицияның мәліметінше, ол заңды күйеуімен бірге тұрған.

«Қазіргі уақытта қыз отбасына қайтарылды. Оқиғаның мән-жайы анықталып жатыр» дейді Түркістан облысы ІІД криминалдық полиция басқармасының бастығы Сұлтанбек Үсіпбеков.

Белгілі болғандай, Назым құрсағындағы баланың әкесімен бірге тұруға қарсы емес. Бірақ ол анасына қоңырау шалмаған, өйткені ол оны үйге алып кетеді деп қорыққан.

«Мен күйеуіммен бірге болдым, ол мені ұрған жоқ, қайын енем қайда екенімізді білетін. Мен қайтқым келеді» дейді Назым Алдаш.

Еске салсақ, 24 ақпанда із-түзсіз жоғалған Назым Алдаштың анасы Сауран ауданының полиция бөліміне жүгінген. Ол өз арызында жүкті қызының ауруханаға кетіп, үйіне оралмағанын айтқан. 28 наурызда полицейлер қызды тапқан.