17 жастағы қазақстандық шахматшы қыз әлем чемпионы атанды

17 жастағы қазақстандық шахматшы Бибісара Асаубаева блиц бойынша әлем чемпионы атанды.

Vesti.kz мәліметіне сәйкес, Бибісара Асаубаева әлемдік шахмат тарихындағы ең жас әлем чемпионы атанды. Әлем чемпионаты Варшавада (Польша) өтуде.

Турнирдің басынан-ақ қазақстандық қыз қарсыластарынан басым түсіп, ойын аяқталуға бір тур қалғанда жеңіске жетті.

28 желтоқсанда Асаубаева рапид (шапшаң) шахматтан екінші орын алды: шешуші ойындарда Бибісара тәжірибелі грузиялық шахматшы Нана Дзагнидзені, отандасы Әсел Серікбайды жеңіп, ресейлік халықаралық гроссмейстер Александра Костенюкпен тең түсті.

Қорытынды блиц-кестеде екінші орынды екі күн бұрын шахматтан әлем чемпионы атанған ресейлік Александра Костенюк иеленсе, Ресейдің тағы бір өкілі Валентина Гунина үшінші орынды иеленді.

Бұған дейін қазақстандық спортшы классикалық шахматтан 8, 10, 12 және 14 жасқа дейінгі қыздар арасында әлем чемпионы, 7, 9 жасқа дейінгі мектеп оқушылары арасында әлем чемпионы атанған болатын.