17 жасар жасөспірім көпірден секірмекші болды

Атырауда 17 жастағы жасөспірім көпірден секіруге оқталған, деп хабарлайды Orda.kz.

POLISIA.KZ мәліметінше, Берғалиев көпірінде белгісіз адамның секіргелі тұрғаны жайлы ақпарат жедел басқару орталығына келіп түседі.

«Оқиға орнына патрульдік полиция қызметкерлері жедел жетті. Тәртіп сақшылары көпірден секіруге оқталған адамның 17 жастағы жасөспірім екенін анықтады. Онымен сөйлесіп, райынан қайтарды. Жасөспірім қауіпсіз жерге шығарылып, полиция бөліміне жеткізілді»,  деп хабарланды.

Жедел тергеу тобы жасөспірімнің бұл әрекетке баруының себептерін жан-жақты сұрастырып, тергеу жұмыстарын жүргізіп жатыр.