Алматыда кәмелетке толмаған қызды өлтіріп, денесін өртеп жіберген екі ер адам ұсталды.
Бұл туралы Алматы полиция департаментінің баспасөз қызметі хабарлады.
«27 мамырда 2005 жылы туған азамат Е.-нің анасы жоғалып кету фактісі бойынша Алмалы ауданының полиция басқармасына хабарласты. Әйелдің айтуынша, кәмелетке толмаған қыз 24 мамыр күні белгісіз бағытқа кетіп қалған. Азамат Е.-нің тұрған жерін анықтау мақсатында оның жоғалып кетуіне қатысы болуы мүмкін тұлғаларды анықтайтын жедел-тергеу тобы құрылды. Осыған байланысты Алматы облысының тұрғындары 1992 жылы туған азамат К. және 2001 жылы туған азамат Б. ұсталды» деп хабарлады Алматы полиция департаментінің (ПД) баспасөз қызметі.
Тәртіп сақшыларының хабарлауынша, бойжеткен жоғалған күні аталған адамдарды көшеде кездестірген.
«Жедел іздестіру және іздестіру іс-шаралары барысында күдіктілер азамат Е.-ні өлтіргенін мойындап, Қапшағай су қоймасынан алыс емес жерде оның денесі көмілген жерді көрсетті. Өлімнің нақты себебін анықтау үшін сот-медициналық сараптама тағайындалды. Қылмыстың ізін жасырмақ болған күдіктілер қыздың денесін өртеп жіберген. Бұл қылмысты одан әрі тергеуді аумақтық қағидатқа сәйкес Алматы облысы бойынша ДПБ жүргізетін болады» деп қосты полиция.
