17 адамның өлімімен аяқталған жарылыс: екі бап бойынша іс тергелуде

Жамбыл облысы, Байзақ ауданы, Қайнар ауылы маңындағы №28349 әскери бөлімшесінің қару жарақ қоймасындағы жану және жарылу дерегі бойынша қызметке салғырт қарау, бастықтың немесе лауазымды адамның қызметке салғырттығынан елеулі зиян келтiру, ауыр зардаптарға әкелу және Қару-жарақпен, сондай-ақ айналадағыларға қауiп төндіретін заттармен және нәрселермен жұмыс істеу қағидаларын бұзу, абайсызда адам өліміне әкелу баптары бойынша іс тергелуде.

Orda.kz сайтының облыстағы меншікті тілшісі тергеу амалдарын жүргізуші құқық қорғау органына сұрау хат жолдады.

ҚР Ішкі істер департаменті Тергеу департаменті бастығының орынбасары М.Қожаев «453 баптың 2 бөлігімен, 462 бабы 3 бөлігімен қылмыстық істер тіркеліп, тергелуде. Қазіргі таңда оқиғаның мән жайын және өрттің себебін анықтау мақсатында қажетті тергеу амалдары мен сараптамалар жүргізілуде» деп жауап берді.

Меншікті тілші тергеудің амал әрекеттерін ары қарай бақылауда ұстайтын болады.

Исламбек Дастан, Жамбыл облысы