Павлодар, Шығыс Қазақстан және Қарағанды облыстарында алты ірі мал ұрлығы үшін ұйымдасқан қылмыстық топ 12 жылға сотталды.
«Ұйымдасқан қылмыстық топтың Павлодар, Шығыс Қазақстан және Қарағанды облыстарында алты мал ұрлығы жасағаны дәлелденді. Аталған қылмыстық топ мүшелерінің мүлкі тәркіленіп, 12 жылға дейін бас бостандығынан айрылуы мүмкін» деп хабарлайды ҚР ІІМ ресми сайты.
Материалға сәйкес, сыбайластар өлекселерді бірнеше облыстағы ет сататын таныс саудагерлеріне өткізген.
«Барлығы 167 бас малды ұрлаған. Күдіктілерді тінту кезінде ұрланған тағы 67 жылқы, бір автокөлік және екі мотоцикл табылды. Ұсталғандарға қатысты ҚР Қылмыстық кодексінің 262-бабы (ұйымдасқан қылмыстық топ құру, оған басшылық ету және оған қатысу) бойынша қосымша қылмыстық істер қозғалды. Сотқа дейінгі тергеу ҚР Қылмыстық кодексінің 188-1-бабының 4-бөлігі (мал ұрлығы) бойынша жүргізілді» деп хабарлады құқық қорғау органдары.
