16 жастағы жасөспірім анасы мен қарындасын өлтіріп мәйітін өртеп жіберді

16 жастағы жасөспірім анасы мен 6 жастағы қарындасын жауыздықпен өлтірді. Қайғылы оқиға Бельгияда болды, деп хабарлайды Orda.kz. 

Ресей мен Украина арасындағы жағдай шиеленіскен кезде украиналық отбасы Бельгияға көшіп барған. Қанды қылмыс осы отбасында болды. 6 маусым күні жасөспірім 46 жастағы анасы мен қарындасына бірнеше рет пышақ сұғып өлтірген. Кейін олардан біржола құтылу үшін мәйітті өртеген. Ең сорақысы, 16 жастағы оқушы қылмысын жасап болғаннан кейін, мектепке барып сабаққа қатысқан. Жасөспірімнің әкесі әлі де Украинада, майдан шебінде екені белгілі болды. 

Алғашында марқұмның баласы күдікке ілінбеді. Бірақ 5 сағаттық тергеу нәтижесінде ол шынын айтты. Жасөспірім қылмысын мойындады. Алайда қанды қылмысқа бару себебін түсіндірмеді. Тергеу амалдары жүріп жатыр.

Айта кетейік, ресейлік стратегиялық бомбалаушы ұшақтарды жаруға қатысы бар деген күдікке ілінген украиндық Артём Тимофеев іздеуге жарияланды. Бұған дейін оның жұбайымен бірге Қазақстанға кетуі мүмкін екені айтылған еді.