16 жастағы қызды өлтірген күдікті ұсталды

Қостанай облысында 16 жастағы қызды өлтірді деген күдікті ұсталды.

Бұл туралы облыстық полиция департаментінің баспасөз қызметі хабарлады.

Қостанай облысында жоғалып кеткен 16 жастағы қызды өлтірді деген күдікті ұсталды. Әулиекөл ауылының тұрғыны Дарья Тайронинаның мәйітін «Дос» жедел-құтқару жасағының еріктілері екі күндік іздестіру жұмыстарынан кейін тапты.

«Аса ауыр қылмыс жасады деген күдікпен 27 жастағы жергілікті тұрғын ұсталып, ол уақытша ұстау изоляторына қамалды» деп мәлімдеді ведоствода.

Кісі өлтіру фактісі бойынша қажетті тергеу шаралары жүргізіліп, сараптамалар тағайындалды.

Полицейлердің айтуынша, қыздың өліміне механикалық асфиксия себеп болған, яғни оны буындырып өлтірген.

«Жыныстық сипаттағы әрекет жасау туралы сұраққа тек сараптаманың қорытындысы бойынша жауап беруге болады, басқа ақпарат тергеу мүддесі үшін жарияланбайды» деп түйіндеді полиция.