«15 жыл»: Маңғыстауда елдің көзінше әйелін пышақтаған ер адам сотталды

Әйелін өлтіруге оқталған ер адам 15 жылға бас бостандығынан айырылды, деп хабарлайды Orda.kz. 

Ер адам әйелінің жүктілігіне де қарамай, жұрттың көзінше тепкілеген. Оқиға 13 шілде күні болған. 

Ер адам өзімен бірге алып жүрген ас үй пышағымен әйелінің  арқа, сан және кеуде тұсынан бірнеше рет пышақтап, денсаулығына ауыр зиян келтірген.

Одан әрі, сотталушы К.  қылмыстық әрекетін тоқтатпай, алған ауыр дене жарақатынан жерге құлап, дәрменсіз күйде жатқан жарының  басынан бірнеше рет теуіп үлгерген. 

Сот шешімімен ер адам 15 жыл мерзімге бас бостандығынан айырылды.