15 жастағы баласын көлікпен сүйреп өлтірген әке 25 жылға сотталды

Тәжікстанда ер адам 15 жастағы ұлын көлікпен сүйреп, азаптап өлтіргені үшін 25 жылға бас бостандығынан айырылды, деп хабарлайды Orda.kz.

«Азия-Плюс» агенттігінің мәліметінше, Тәжікстанның Турсунзаде қаласының тұрғыны Парвиз Одинаев 15 жастағы ұлы Хусравты азаптап өлтірген іс бойынша 25 жылға бас бостандығынан айырылды.

Парвиз Одинаевтің туыстарының айтуынша, үкім алты күн бұрын шыққан. Прокурор 27 жыл сұраған. Алайда судья Одинаевтың кәмелетке толмаған басқа балалары барын ескеріп, жазаны екі жылға қысқартып, 25 жыл берген.  

Еске сала кетейік, оқиға биыл шілде айында болды. Одинаев ақша ұрлады деген сылтаумен тәрбиелемекші болып, ұлын көлікке байлап, азаптап сүйреген. Артынша жасөспірім алған ауыр жарақаттарынан қайтыс болды.