15 жастағы қазақстандық спортшы греплингтен әлем чемпионы атанды

Ресейдің Мәскеу қаласында өткен греплингтен әлем чемпионатында 9 елдің спортшысы бақ сынап, қазақстандық спортшы Жібек Құлымбетова әлем чемпионы атанды.

15 жастағы спортшы қыз World championship grappling/grappling GI Moscow сайысында бақ сынап, қарсыласын 8:4 есебімен жеңді. 

ҚазАқпараттың хабарлауынша, Жібек жалпы турнирде 44 келі салмақ дәрежесінде үш жекпе-жек өткізген

«Қарсыластырдың барлығы мықты. Әсіресе финалда ауыр шайқас болды. Қарсыласымды «тұншықтыру» тәсілімен ұтуға мүмкіндік болды. Бірақ ол сытылып кетті. Соңғы сәтте барымды салғанымның арқасында жеңдім. Сол үшін қуаныштымын. Тіпті салмақ қууға тура келді. Енді ес жиып алған соң жаттығуға кірісемін» деді Жібек.

Еске салсақ, бұған дейін Жібек Абу-Дабиде өткен джиу-джитсудан төртінші рет әлем чемпионы атанған.