15 жасар қыздан күштеп ақша сұрап отырған қыздардың ата-аналары жазаға тартылды

Қарасай аудандық полиция қызметкерлері 15 жасар мектеп оқушысынан күштеп ақша сұраған кәмелетке толмаған қыздардың ата-аналарын анықтап, жауапкершілікке тартты, деп хабарлайды Orda.kz.

Бұл туралы өңірдің полиция департаментінің бастығы Бауыржан Әленов хабарлады.

«Тергеу барысында кәмелетке толмаған қыздардың құрбысына психологиялық қысым көрсетіп, одан ақша талап еткені белгілі болды», — деп мәлімдеді департамент бастығы. 

Құқық бұзушылардың жасын ескере отырып, полиция олардың ата-аналарын балаларын тәрбиелеу міндеттерін орындамағаны үшін жауапкершілікке тарту бойынша жұмыстар жүргізді. Аталған дерек Қарасай аудандық полиция басқармасында тіркеліп, іс материалдары сотқа жіберілді.