«15 рет пышақтаған»: 19 жастағы мүгедек жігітті қарыз үшін өлтірген сарбаз сотталды

Түркістан облысының Сарыағаш ауданында 19 жастағы 2-топтағы мүгедек жігітті 15 жерінен пышақтап өлтірген сарбаз 15 жылға бас бостандығынан айырылды, деп хабарлайды Orda.kz. 

19 жастағы Жасұлан Әбдіманапты ауыл бұзақылары адам аяғы баспайтын жерге апарып, 15 жерінен пышақтап кеткен. Оқиға 20 ақпан күні болған. Ал Жасұланның мәйітін ауыл шопаны араға екі күн салып, 22 ақпан күні байқап, полицияға хабар берген. Көп ұзамай осы қылмысқа қатысы бар деген күдікпен әскери бөлімнің қызметкері ұсталды. Оңтүстік өңірлік әскери тергеу басқармасы қасақана адам өлтіру бойынша қылмыстық іс қозғады. Күдікті 2 айға қамауға алынған еді. 

Ақыры сот сарбаз Мурод Әбдіжәмиловті 15 жылға соттады. Ал екінші күдікті Диас Ибрагимов 2 жыл 8 айға, Адина Мамаева 4 жыл 6 айға бас бостандығынан айырылды. 

Айта кетейік, сотталушы марқұмның атынан ниесие алып, қылмыс болатын күні Жасұланды «қарызды жауып беремін» деп шақырған.