15 оқушы сыныптас қыздардың жалаңаш суретін таратқаны үшін сотталды

Испанияда 15 мектеп оқушысы жасанды интеллект арқылы сыныптастарының жалған жалаңаш суреттерін жасап, таратқаны үшін бір жылға шартты түрде сотталды.

Бұл туралы The Guardian хабарлайды.

Испанияның оңтүстік-батысындағы сот жасөспірімдердің сыныптас қыздарының жалған суреттерін жасау және оларды хабар алмасу қолданбалары арқылы тарату үшін deepfake технологиясын  қолданған. Құрбандар мен олардың отбасылары арасында алаңдаушылық тудырғаны үшін оларға үкім шығарылды.

Ата-аналар мессенджерлердегі жалған фотолар туралы шағымданғаннан кейін полиция тергеуді бастады. Сот жасөспірімдерді бірнеше айып бойынша, соның ішінде балаларға зорлық-зомбылық бейнелерін жасау және моральдық арсыздыққа қарсы қылмыстар бойынша кінәлі деп тапты.

Барлық айыпталушылар бір жылға пробациялық бақылауға алынып, гендерлік сауаттылық пен технологияны жауапкершілікпен пайдалану сабақтарына қатысуға міндеттелді. 14 жасқа дейінгі кәмелетке толмағандар оңалту үшін балаларды қорғау қызметіне жіберіледі.

Malvaluna қауымдастығы бұл оқиға болашақта осындай оқиғалардың алдын алу үшін мектептерде жыныстық тәрбие беру қажеттілігін көрсетеді деп мәлімдеді.