14 жастағы қызға азғындық жасады деп айыпталған қазақстандықты Ресей елге қайтарды

14 жастағы қызды азғырды деп айыпталған қазақстандық азаматты қылмыстық жауапкершілікке тарту үшін Ресейден елге жеткізді, деп хабарлайды Orda.kz. 

Қазақстанның Бас прокуратурасының мәліметтеріне сүйенсек, 2023 жылдың қыркүйегінде Шымкент қаласындағы жалдамалы пәтерлердің бірінде күдікті 16 жасқа толмаған қызбен жыныстық қатынасқа түскен. Қылмыс жасағаннан кейін жасырынған және оған халықаралық іздеу жарияланған. 2024 жылдың сәуірінде ол Новосибирск қаласында ұсталды. Қазақстан Бас прокуратурасының сұрауы бойынша ресейлік тарап күдіктіні отанына қайтару туралы шешім қабылдады. 

«Қазіргі уақытта сотталушы тергеу изоляторына қамалды. Аталған қылмыс үшін белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, бес жылға дейінгі мерзімге бас бостандығынан айыру түріндегі жаза қарастырылған», деп мәлімдеді прокуратура.