14 сәуірге ауа райы болжамы: жел, жаңбыр, тұман

Синоптиктер 14 сәуірге арналған ауа райы болжамын ұсынды. Елде найзағай ойнап, жаңбыр жауып, жел күшейіп, тұман түседі деп күтілуде.

«Республиканың батыс жартысы циклонның ықпалында болады, сондай-ақ Қазақстанның оңтүстік-шығысында фронтальды бөліктердің өтуімен найзағай ойнап, жаңбыр жауады. Қазақстан Республикасының қалған аумағына антициклон екпіні әсер етеді, осыған байланысты жауын-шашынсыз ауа райы күтіледі. Республика бойынша жел күшейеді, солтүстік-батыста тұман күтіледі» делінген Қазгидромет хабарламасында.

Батыс Қазақстан облысының батысында найзағай күтіледі, оңтүстік-батысында жел 15-20 м/с күшейеді.

Атырау облысының батысында, солтүстігінде және шығысында найзағай күтіледі, облыстың солтүстігінде жел 15-20 м/с күшейеді.

Маңғыстау облысының солтүстік-батысында түнде жел 15-20 м/с күшейеді.

Ақтөбе облысының батысында, солтүстігінде және орталығында найзағай күтіледі, оңтүстікте, солтүстікте, орталықта жел 15-20, екпіні 23 м/с күшейеді.

Қостанай облысының батысында, оңтүстігінде жел 15-20 м/с күшейеді, таңертең және күндіз найзағай, тұман күтіледі.

Жамбыл облысының таулы, тау бөктеріндегі аудандарында найзағай күтіледі, күндіз оңтүстік-батысында, солтүстік-шығыста, таулы аймақтарда жел 15-20 м/с күшейеді.

Алматы облысының таулы аймақтарында найзағай күтіледі, Жалаңашкөл ауданында жел күшейеді, екпіні 17-22 м/с.

Солтүстік Қазақстан облысының солтүстік-шығысында, күндіз Түркістан облысының таулы асуларында, Шығыс Қазақстан облысының оңтүстік-шығысында желдің күші 15-20 м/с күтіледі.