14 наурыздан бастап Қазақстан мен Тәжікстан әуе рейстері қалпына келтіріледі

14 наурыздан бастап Қазақстан Тәжікстанмен рейстерді Қазақстан Республикасында коронавирустық инфекцияның пайда болуы мен таралуын болдырмау жөніндегі ведомствоаралық комиссияның шешімімен қалпына келтіреді, деп хабарлады ҚР ІІМ ТЖК баспасөз қызметі.

«Эйр Астана» Алматы мен Душанбе қалалары арасында тұрақты рейстерді аптасына бір рет, жексенбі күні іске қосады.  

— Тәжікстаннан тұрақты рейстер 18 наурызда басталады деп жоспарланып отыр. Somon Air авиакомпаниясы Алматы - Душанбе - Алматы бағыты бойынша аптасына бір рет, бейсенбіде ұшады, делінген хабарламада.

Барлық рейстер авиакомпаниялардың сайттарында жарияланған кестеге сәйкес санитарлық-эпидемиологиялық талаптарға сәйкес орындалады.

Еске салсақ, Қазақстан мен Тәжікстан арасындағы әуе қатынасы 2020 жылдың 20 наурызында тоқтатылды.