13 жасар балаға тапа-тал түсте оқ атқан: полиция қылмыскерді іздеп жатыр

Алматы облыстық ауруханасына оқ жарақатымен жеткіншек түсті. Абырой болғанда, дәрігерлер оның өмірін сақтап қалды. Полиция сотқа дейінгі тергеуді бастады, деп хабарлайды Orda.kz порталы.

Денсаулық сақтау басқармасының мәліметінше, оқиға 16 сәуірде болған: 13 жастағы жасөспірім үйінің жанындағы көл жағасында ойнап жүрген кезде оқ даусы естілген.

Тексеру кезінде оң жақтағы кеуде аймағында жарақат анықталды. Олар ота жасап, бөгде затты алып тастады. Оқ оң жақта кеуде қуысынан өтіп, өкпе тінін зақымдап, қабырға аралықта – иық сүйегінің төменгі жағында  тұрып қалған. Анық және жылдам әрекет еткен дәрігерлер баланың өмірін сақтап қалды.

Іле ауданы әкімшілігінде қылмыстық іс қозғалды. Полицейлер оқиғаның мән-жайын анықтау үстінде.

«Оқ пневматикалық қарудан атуға арналғаны анықталды. Барлық қажетті сараптамалық зерттеулерге тапсырыс берілді. Тергеу жалғасуда» деп Orda.kz тілшісіне Алматы облысының полиция департаменті хабарлады.