13 сәуірге ауа райы болжамы: найзағай, жел, жаңбыр

Синоптиктер 13 сәуірге ауа райы болжамын ұсынды. Еліміздің басым бөлігінде жаңбыр жауып, найзағай ойнайды.

«Республиканың солтүстігінде, солтүстік-шығысында, шығысында жауын-шашынсыз ауа райы сақталады. Республикада желдің күшеюі, тұман, оңтүстікте бұрқасын, Қазақстанның батысында, оңтүстік-батысында шаңды дауыл күтіледі» делінген Қазгидромет хабарламасында.

Алматы облысының шығысында найзағай ойнайды, солтүстік-шығыста жел 18-23 м/с күшейеді, екпіні 29 м/с болады.

Атырау облысының батысында, шығысында найзағай, шаңды дауыл, желдің күшеюі, екпіні 15-20, кей жерлерде 23 м/с күтіледі.

Батыс Қазақстан облысының оңтүстігінде, солтүстік-батысында – найзағай ойнап, жел күшейеді, екпіні 15-20, кейде 23 м/с.

Маңғыстау облысында – жел 15-20 м/с күшейеді, күндіз 23 м/с шаңды дауыл соғады.

Қостанай облысының батысында, оңтүстігінде – күн күркіреп, тұман түседі, күндіз облыстың шығысында жел 15-20 м/с күшейеді.

Түркістан облысының таулы аймақтарында – найзағай ойнап, көктайғақ болады, найзағай кезінде жел 15-20 м/с күшейеді.

Қарағанды ​​облысының батысында, оңтүстігінде – күн күркіреп, тұман түседі, облыстың солтүстігінде, оңтүстік-шығысында жел 15-20 м/с күшейеді.

Солтүстік Қазақстан облысында – желдің күшеюі 15-20 м/с, күндіз екпіні 25 м/с.

Ақмола облысының солтүстік-батысында, оңтүстік-шығысында – жел 15-20 м/с күшейеді.

Павлодар облысының солтүстігінде, шығысында – жел 15-20 м/с күшейеді.

Қызылорда облысының солтүстік-батысында – жел 15-20 м/с күшейеді, шаңды дауыл соғады.

Жамбыл облысының таулы аймақтарында күндіз – найзағай ойнап, жел 15-20 м/с күшейеді.

Ақтөбе облысының шығысында – тұман, күндіз облыстың батысында – жел 15-20 м/с күшейеді.

Шығыс Қазақстан облысының оңтүстік-батысында – жел 15-20 м/с күшейеді.