13 мыңнан астам қандас елімізге  оралды

Олардың көпшілігі Өзбекстан, Қытай және Түркіменстаннан көшіп келген еңбекке жарамды жастағы адамдар.

2022 жылдың басынан бері 13 362 этникалық қазақ тарихи отанына оралып, қандас мәртебесін алды. Оның жартысынан көбі Өзбекстаннан – 68,7%. География бойынша 2 орында – Қытай. Оның  10% кері қайтарылды. Түрікменстаннан – 7,9%, Моңғолиядан – 4,6%, басқа елдерден – 8,8%.

ҚР Еңбек және халықты әлеуметтік қорғау министрлігінің мәліметінше, Қазақстанға оралған этникалық қазақтардың басым бөлігі еңбекке қабілетті жастағы адамдар, келгендердің үштен бірі балалар мен жасөспірімдер, 13,7 пайызы зейнеткерлер.

Олар көбінесе Алматы облысы (29,9%), Маңғыстау (16,7%), Түркістан (9%) және Жамбыл (6,5%) облыстарында орналасқан. Қалалар арасында Астана (7,8%), Шымкент (7,3%) және Алматы (5,8%) таңдалған.

1991 жылдан бері Қазақстанға барлығы 1 миллион 101,2 мың қандас оралды.

Еске салайық, бір күн бұрын Цифрлық даму министрлігінің басшысы Бағдат Мусин елордадағы халыққа қызмет көрсету орталықтарының бірінде этникалық мигранттарға қызмет көрсету аймағының қалай жұмыс істейтінін тексерген болатын. Олардың мемлекеттік қызмет алуы үшін арнайы терезелер ашылғанын айтты. Мусин мұндай тәсіл құжаттарды рәсімдеу және басқа да мәселелер бойынша барлық процедураларды айтарлықтай жылдамдатуға мүмкіндік беретінін атап өтті.