«13 адам мерт болған»: Жатақханадағы өртке қатысты сотта айыптау актісі жарияланды

Алматыда 2023 жылы 30 қарашада болған болған жатақханадағы өртке қатысты сот өтіп жатыр. Өрт салдарынан 13 адам мерт болған еді. Сотта екі адам айыпталып отыр, деп хабарлайды Orda.kz. 

Шәріпов көшесіндегі ауданы 456 шаршы метрлік Almaty Hostel жатақханасы өрт болмай тұрып бір жарым ай бұрын ашылған. Тергеу нәтижесінде 2 адам кінәлі болған. Олар — жатақхана иесі Әділбек Мұхамедияров пен өрттен қорғау жүйесін орнату жөніндегі маман Александр Пекельник. Оларға өрт қауіпсіздігі талаптарын бұзу бойынша айып тағылып отыр.

Айыптау актісіне сәйкес, Александр Пекелник дабыл орнату кезінде қауіпсіздік техникасын бұзған. Ол монтаждау ұйымының басшысы бола тұра, өрт дабыл құрылғыларын орнатуға байланысты өзіне жүктелген нормативтік-құқықтық жауапкершілікті орындамаған. Ол жатақхананы өрт дабылдарымен қамтамасыз етпеген. Әрі оларды дұрыс орналастырмаған. 

Өрт қауіпсіздігі саласындағы мамандардың қорытындысына сәйкес, жатақхананың жертөле қабаттарында терезелер жоқ екені анықталды. Айыптау қорытындысында жертөледе жанатын өнімдердің болғаны анықталды. Соның ішінде көмірқышқыл газынан уланып 13 адам қаза тапқаны айтылған. Сонымен қатар дәлізде тұрған матрацтар бөлмелерден шығуды қиындатқан.

Еске салайық, бұған дейін Алматыда жатақханада өрт болып, 13 адам көз жұмғанын хабарлаған едік. Өртке қатысты қылмыстық іс қозғалған еді.