120 000 евродан басталатын дастархан: Назарбаевтың немересі мен ұлы Канндағы қайырымдылық кешінде жарқ ете қалды

Нұрәлі Әлиев жыл сайын өтетін қайырымдылық іс-шарасында түскен суреттерін Instagram-дағы өз парақшасында жариялады, деп хабарлайды Orda.kz.

«Мейірімділік жауынгерлері» гала-кеші 17 шілде күні Круа-де-Гард сарайында өтті. Бұл жылда қайталанатын қайырымдылық іс-шарасы төртінші рет өткізіліп отыр. Дәстүр бойынша оған көптеген жұлдыздар мен бизнес-магнаттар келеді.

Өткен жылдағыдай ең басты қонақтардың бірі - Йорк герцогинясы Сара Фергюсон.

Шақырылғандардың көңілін тенор Андреа Бочелли көтерді.

Әлемдік БАҚ-та биыл балалар проблемаларымен айналысатын бірнеше қауымдастыққа арналған іс-шарада едәуір қаражат жиналғаны туралы жазылды.

Іс-шараға қатысқан Нұрәлі Әлиев пен Тауман Назарбаевтың бұл кеште қандай рөл атқарғаны белгісіз.

Айта кетейік, шараға қатысу тегін емес. Жай орындар резерві үшін қонақтар 12 000 евродан, яғни 6 000 000 теңгеден астам қаражат төлейді, ал үстелді брондау 120 000-нан басталды.