«12 жыл бойы азаптанған»: Науқастың ішінде қысқышты ұмытып кеткен дәрігерлер

Қарағанды облысындағы Шахтинск қаласында дәрігерлер ота кезінде хирургиялық қысқышты науқастың құрсақ қуысында ұмытып кеткен. Бектұр Тоқмағамбетовтің денесінде бұл хирургиялық қысқыш 12 жыл бойы жүріпті.

Бұл туралы patriotnews.kz хабарлады.

Бектұр Тоқмағамбетов осы уақыт бойы сыздап аурудан, әлсіздіктен, тершеңдіктен зардап шекті. 12 жыл бойы аурудың негізгі себебін білмеген науқас пен оның отбасы хирургиялық қысқыштың организмде қалып қойғанын білмеген.

Ауру салдарымен күрескен отбасы аурудан біржолата айығу үшін ем-домға көп қаражат жұмсады. 

Компьютерлік-томографиялық сканерлеу кезінде дәрігерлер науқастың іш қуысында хирургиялық қысқыш барын анықтады. Жеке клиниканың дәрігерлері суретте екі сақинасы бар металл затты көргеннен кейін өз көздеріне өздері сенбеген. Ер адамға шұғыл ота жасалып, құрал организмнен алынып тасталды. 

Дәрігердің мұндай ағаттығы үшін жаза тағайындалуы керек және өтемақы төленуі тиіс. Алайда Бектұр Тоқмағанбетовке денсаулық сақтау басқармасында болған істен көп уақыт өткенін және ота жасаған хирург пен көмекші ассиситенттің кім екенін білу мүмкін еместігін айтқан. Қылмыстық іс қозғалмады. 

Бектұр Тоқмағанбетов сотқа шағым түсіріп, денсаулық сақтау басқармасынан әр жыл үшін үш миллион теңгеден төленетін ақшалай өтемақы талап етті. Бірақ сот дәрігерлердің ағаттығынан ұмыт болған хирургиялық қысқыш салдарынан әр жыл үшін азапты ауырсынуды бастан кешкен науқасқа 160 000 теңге жеткілікті сома болады деп шешті.

«Дәрігерлердің салғырттығынан менің күйеуімнің 12 жылдық ғұмыры қор болды. Біз денсаулық сақтау саласынан әр жылдағы науқастың ауырсынған халі үшін 3 миллион теңге талап еттік. Сот жыл сайын 160 000 теңге көлемінде өтемақы жеткілікті деп шешті. Құрметті депутаттар, бұл әділ сома деп ойлайсыз ба?» — деп жұбайы Бектұр Тоқмағанбетова Парламент Мәжілісі депутаттарына өзінің бейнеөтінішімен жүгінді.

«Біз қымбат дәрі-дәрмек сатып алдық, көптеген медициналық тексерісті бастан өткердік. Құрметті мәжіліс депутаттары, мәселемізді Үкімет деңгейінде көтеруді сұраймыз», — деді зардап шеккен науқастың әйелі.