«12 жаста қылмыскер деп тану»: Мәжіліс депутаты даулы ұсыныс жасады

Мәжіліс депутаты Магеррам Магеррамов үкімет басшысына жасөспірімдерді 12 жастан бастап қылмыстық жауапкершілікке тартуды ұсынды, деп хабарлады Orda.kz.

Депутаттың пайымдауынша, бүгінде мектеп қабырғасында буллинг тыйылар емес. Салдарынан зорлық-зомбылық көбейеді. 

«Зорлық-зомбылықты бірден тыйып отыру қажет. Бірақ бүгінде агрессорлар жасына байланысты жазадан құтылып жатады», - дейді ол.  

Депутат зорлау істері бойынша қылмыстық жауапкершілікке 14 жастан емес, 12 жастан бастап тартуға болатынын айтты.