12 миллиард текше метрден астам тасқын суы көлдер мен сағаларға ағызылады

Су ресурстары және ирригация министрлігі экожүйені жақсарту және экономикалық қажеттіліктерді қамтамасыз ету үшін еліміздің көлдеріне, сағалары мен шабындықтарына 12,4 млрд текше метр тасқын суды жіберді.

Ведомствоның баспасөз қызметі хабарлағандай, тасқын судың жалпы көлемінің 1,2 млрд текше метрі сағаларға, 4,5 млрд текше метрі көлдерге және 6,7 млрд текше метрі жайылымдардағы суармалы шалғындарға жіберілді.

«Биыл су тасқыны кезінде еліміздің су қоймаларында 12 миллиард текше метрден астам су жиналды. Жиналған су тек ауыл шаруашылығы мен өнеркәсіпке ғана емес, мал шаруашылығына қажетті жем-шөп базасын жасауға да пайдаланылады» делінген министрліктің 13 маусымда таратқан хабарламасында.

Бүгінде еліміздің су қоймаларындағы судың жалпы көлемі 75 миллиард текше метрге жетті, бұл өткен жылмен салыстырғанда 15 миллиард текше метрге артық.