11 жасар қазақстандық акробатикадан әлем чемпионы атанды

11 жасар қазақстандық спортшы Ислам Қабдолов батут гимнастикасынан өткен әлем чемпионатында алтын медаль еншіледі.

Әлем чемпионаты Әзірбайжанның Баку қаласында өтті. Жас спортшы 11-12 жасар спортшылар тобында өнер көрсеткен. Ислам Қабдолов акробатикалық жолда секіру категориясында 31 100 ұпай жинады.

Айта кетсек, Ислам 16 желтоқсан 12-ге толады.

Сондай-ақ, Бакуде өткен әлем чемпионатында қазақстандық Роман Барков пен Игорь Грачев синхрондық секіруден алтын медаль жеңіп алды. Екі спортшы 17-21 жастағы спортшылар арасында өнер көрсетіп, Франция мен Беларусь елдерін артта қалдырған.