11 млн тапқан кәмелетке толмаған алаяқ ұсталды

Елордада кәмелетке толмаған жас алаяқтың әрекетінен зардап шеккен 20-дан астам азаматқа қатысты іс әшкереленді, деп хабарлайды Orda.kz.

Жас қылмыскер жәбірленушілердің атынан банктік қосымша арқылы несие рәсімдеп, қаражатты трейдингтік компанияларға инвестициялауға уәде берген. Ол әрбір тартылған клиент үшін 10% сыйақы мен несие сомасынан 22% пайда түсетінін айтып алдаған.

Алайда соттағы дәлелге қарасақ, қылмыскер бастапқыда уәде етілген қаражатты қайтаруға ниетті болмаған. Алаяқтың барлық ұрланған ақшасы жеке қажеттіліктеріне жұмсалған. Нәтижесінде, кәмелетке толмаған алаяқ сенгіш азаматтардың 11 миллион теңгеден астам қаражатын иемденген.

«Сот үкімімен жәбірленушілерге келтірілген залал толықтай өндіріліп кінәлі тұлға сотталды. Жәбірленушілердің азаматтық талаптары қанағаттандырылды. Үкім заңды күшіне енді», деп хабарлады Астана қаласының прокуратурасы.