10 желтоқсанға ауа райы болжамы: жаңбыр аралас қар жауады

Синоптиктері 10 желтоқсанға арналған ауа райы болжамын ұсынды.

«Бұрынғыдай кең ауқымды антициклонның әсерінен Қазақстанның басым бөлігінде жауын-шашынсыз болады. Тек батыста жауын-шашын мен қар жауады. Республиканың кей жерлерінде тұман, көктайғақ, жел күшейеді. Қазақстанның батысында – бұрқасын, оңтүстікте – шаңды дауыл күтіледі» делінген Қазгидромет РМК хабарламасында.

Жамбыл облысының солтүстігінде, таулы және тау бөктеріндегі аудандарында тұман түседі. Ооблыстың оңтүстік-батысында, солтүстік-шығысында және таулы аймақтарда желдің екпіні 15-20 м/с күшейеді, екпіні 23-28 м/с дейін соғады.

Алматы облысының оңтүстігінде түнде және таңертең тұман күтіледі. Күндіз Алакөл маңында жел 18-23 м/с күшейеді.

Түркістан облысының оңтүстігінде, батысында, тау бөктеріндегі аудандарында – тұман, солтүстікте, таулы аймақтарда жел 15-20 м/с күшейіп, шаңды дауыл соғады.

Батыс Қазақстан облысының солтүстігінде, солтүстік-батысында – бұрқасын, көктайғақ, облыстың оңтүстік-шығысында жел 15-20 м/с күшейеді.

Атырау облысының солтүстігінде, шығысында және орталығында – тұман, көктайғақ, облыстың солтүстігінде жел 15-20 м/с күшейеді.

Ақтөбе облысының батысында, оңтүстік-батысында – көктайғақ, оңтүстік-батыста және облыс орталығында жел 15-20 м/с күшейеді.

Маңғыстау облысының батысында, солтүстік-шығысында – жел 15-20 м/с күшейеді.

Қызылорда облысының орталығында жел 15-20 м/с күшейеді.

Ақмола облысының солтүстігінде, шығысында, Солтүстік Қазақстан облысында, Қостанай облысының солтүстігінде, Қарағанды ​​облысының солтүстігінде және оңтүстігінде, Шығыс Қазақстан облысының шығысында түнде және таңертең оңтүстікте тұман күтіледі.