10 жасар бала қайтыс болған картинг орталығының директоры күдікті деп танылды

Алматы облысындағы «Сокол» картинг орталығының директорлары 10 жасар баланың өлімінен кейін күдікті деп танылды.

Алматы облысының полиция департаменті ҚР Қылмыстық кодексінің 306-бабы «Абайсызда адам өліміне әкеп соқтырған қауіпсіздік талаптарына сай келмейтін қызмет көрсету» бойынша сотқа дейінгі тергеп-тексеруді бастағанын хабарлады.

«Қылмыстық іс материалдарында күдікті ретінде картинг орталығының 41 жастағы директоры әрекет етуде. Тергеу барысында күдіктіге қатысты «келуге міндеттеу» процессуалдық мәжбүрлеу шарасы таңдалды. Қылмыстық іс департаменттің тергеу бөлімімен өндіріске қабылданып, бақылауға алынды» деп хабарлады облыстық полиция департаменті.

Бірқатар қажетті сараптамалар тағайындалған.

Еске салсақ, картинг орталығында 10 жасар бала көз жұмды. Ол картинг жолынан шығып кетіп, жақын жерде тұрған көлікке барып соғылған.