10 нан астам жалған ҰБТ сертификатын ұсынған талапкерлер тіркелді

Ұлттық тестілеу орталығы ата-аналар мен талапкерлерге қатаң ескерту жасады.

Бұл туралы ұлттық тестілеу орталығы хабарлады.

Жалған ҰБТ сертификатын ұсынған талапкерлер анықталды. Қазіргі уақытта грант конкурсына құжаттар қабылдануда және қабылдау комиссияларына жалған сертификат ұсыну бойынша 10-нан астам қылмыстық іс тіркелді.

«ҰБТ сертификатын қолдан жасау мүмкін емес екенін ескеру маңызды. Әрбір сертификатта оның түпнұсқалығын бірден тексеруге мүмкіндік беретін бірегей QR коды бар. Сондай-ақ, ҰБТ сертификаты ресми құжат және оны қолдан жасау ҚР Қылмыстық кодексінің 385-бабы бойынша қылмыстық жауапкершілікке әкеп соғады» деп мәлімдеді ұлттық тестілеу орталығы.