«10 млн теңгені кім алды?»: Бурахан Дақанов бастаған «Тәуекел» ұйымы тендерден жеңілді

Солтүстікке қазақтарды қоныстандыру мәселесін көтеріп жүрген «Тәуекел» ұйымының жетекшісі Бурахан Дақанов көші-қон мәселесін шешу үшін мемлекеттік тендерге қатысып, 10 миллион теңге көлеміндегі қаржыны ұта алмағанын хабарлады.

Бурахан Дақанов facebook парақшасында «Тәуекел» ұйымының тендердегі сәтсіздігі жайлы баяндады. Оның айтуынша осы тендерге қатысқан төрт ұйымның төртеуі де солтүстіктікі.
«Тәуекел» ұйымының басшысы Бураханның айтуынша, олардың ұйымы 1,5 жыл бойы тендерге дайындалған. Алайда бәсекелестік қарқынды болып, тәжірибесі көбірек ұйым тендерді ұтып алды. 

Бурахан мен оның ұйымы жеңімпаздарды тендерден бас тартуға көндіруге тырысқанымен, нәтиже болмапты. Қазіргі таңда «Тәуекел» ұйымы миграциялық мәселелерді шешуге арналған жаңа жобалар жасау үстінде. Бірақ қаржылық қиындыққа тап болып отыр.

Барлық қиындықтарға қарамастан, Бурахан ұйымының жұмысын жалғастыратынын және көші-қон мәселелерін шешуге үлес қосатынын айтты. 

«Бәрін қойшы, өз басым көш мәселесі тоқтамайтынына,  сол көштің үдеуінің басы қасында осы «Тauekel» ұйымы тұратынына имандай сенемін. Сондықтан өз жұмысымызды бір сәтке де тоқтатпаймыз. Теріскей бізге аманат» деді Бурахан Дақанов өз жазбасында.