10 қарашаға ауа райы болжамы: боран, тұман, көктайғақ

Синоптиктер 10 қарашаға арналған ауа райы болжамын ұсынды.

«Солтүстік-батыс циклонының және онымен байланысты атмосфералық фронтальды учаскелердің әсерінен республиканың басым бөлігінде тұрақсыз ауа райы сақталады. Онда жауын-шашын жаңбыр мен қар түрінде болады. Тек республиканың шығысы, орталығы мен оңтүстігі жоғарылаған қысым өрісінің ықпалында, онымен ауа райы негізінен жауын-шашынсыз болады деп күтілуде. Республиканың басым бөлігінде желдің күшеюі күтіледі, солтүстікте – бұрқасын, батыста және солтүстікте – тұман, солтүстік-батыста – көктайғақ» делінген Қазгидромет хабарламасында.

Солтүстік Қазақстан облысында тұман, көктайғақ, бұрқасын күтіледі. Облыстың басым бөлігінде желдің күші 15-20, облыстың оңтүстік-батысында екпіні 25 м/с күшейеді.

Ақмола облысында түнде солтүстік-батыста, күндіз басым бөлігінде желдің күшеюі 15-20 м/с, күндіз екпіні 25 м/с күтіледі.

Батыс Қазақстан, Атырау облыстарында солтүстік-батыста тұман, батыста желдің күші 15-20 м/с күтіледі.

Алматы облысында желдің күші 17-22, екпіні 25 м/с.

Күндіз Маңғыстау облысының батысында тұман түсіп, жел 15-20 м/с күшейеді.

Күндіз Ақтөбе облысының солтүстік-батысында желдің күші 15-20 м/с.

Қостанай облысының солтүстігінде, облыстың солтүстік-шығысында, шығысында көктайғақ күтіледі – желдің күші 15-20 м/с.

Күндіз Павлодар облысының оңтүстік-батысында желдің күші 18 м/с.

Жамбыл облысының таулы аймақтарында түнде және таңертең тұман күтіледі.