1 шілдеден бастап сапа талаптарына сай келмейтін өнім тәркіленеді

Қазақстанда 1 шілдеден бастап сапа талаптары мен техникалық регламенттерге сәйкес келмейтін өнімдер толығымен алынып тасталады.

Бұл туралы Алматы қаласы Техникалық реттеу және метрология комитетінің бөлім басшысы Сауықбек Қапаев мәлімдеді, деп хабарлады Orda.kz.

Өткен жылдың 30 желтоқсанында «Техникалық реттеу туралы» заңның жаңа редакциясы қабылданды, ол 1 шілдеден бастап күшіне енеді. Жаңашылдықтың ерекшелігі өндірушіні немесе сатушыны емес, өнімнің өзін тексеру болып табылады. Ол үшін зертханалық зерттеулер жүргізілетін болады.

– Зертханалық зерттеулердің нәтижелері бойынша оның техникалық регламенттердің талаптарына сәйкес келмейтіндігі және қауіпті деп танылған жағдайда ғана өнімдер тәркіленеді, - деді Сауықбек Қапаев.

Спикер бұл үшін жоспардан тыс тексерулер мен профилактикалық бақылау жүргізілетіндігін айтты. Оның нәтижелері бойынша анықталған бұзушылықтарды әкімшілік іс қозғамай, бұзушылықтар анықталған күннен бастап бес жұмыс күнінен кешіктірмей жою бойынша ұсыныстар жасалады.

Сауықбек Қапаев Алматыда 2020 жылы 83 тексеру жүргізілгенін, нәтижесінде техникалық реттеу, аккредиттеу және өлшем бірлігін қамтамасыз ету саласындағы заңнаманы бұзудың 50 фактісі анықталғанын айтты.

– Тексеру нәтижелері бойынша 5087 сәйкестік сертификаты, 4231 сәйкестік туралы декларация, 1562 тексеру сертификаты алынып тасталып, тоқтатылды, - деп толықтырды бөлім басшысы.