1 шілдеден бастап COVID сертификаты ЕО-да жарамды

COVID сертификаты Еуропалық Одақта 1 шілдеден бастап жарамды болады. Бұл электронды түрде де, қағаз жүзінде де жүзеге асырылады. 

Сертификаттар вакцина алғандарға, аурудан жазылып шыққандарға, тесттің теріс нәтижесі бар азаматтарға беріледі. Аталған құжат Еуропалық Одақ шекаралары ішіндегі сапарлар бойынша қойылған барлық шектеулерді алып тастайды деп күтілуде.

Дегенмен ЕО елдері шетелдіктердің одақ аумағына кіру мүмкіндігіне қатысты нақты бір шешім айтқан жоқ. Туризм саласын дамыту үшін кейбір елдер (Греция, Испания, Кипр, Болгария) вакциналанған немесе теріс ПТР анализі бар адамдардың кіруіне рұқсат беру туралы шешімге келді.

Үндістанда Covid-19, 2-DG отандық препаратының алғашқы партиясы айналымға шығарылды. Препаратты Ядролық медицина институты, қорғанысты зерттеу және дамыту ұйымының зертханасы, үнді фармацевтикалық Dr компаниясымен бірлесіп жасаған. Үндістанның қорғаныс министрі Раджнат Сингх Денсаулық сақтау министрі Харш Вардханға 2-DG препаратының алғашқы партиясын  Нью-Делиде тапсырды.

Германияда ДДҰ-ның халықаралық пандемиялық ақпарат орталығы ашылады. Жоғары технологиялар мен инновациялар статистикалық және талдамалық мәліметтерді өңдеуге мүмкіндік береді. Жоспарға сәйкес аталмыш мәліметтер Берлинге бүкіл әлемнен жіберіледі.