1 шілдеден бастап барлық Al Hilal төлем карталары бұғатталды

Қазақстандағы Al Hilal Ислам банкі ребрендинг жасап  жеке азаматтарға қызмет көрсетуді тоқтатады. Ал 1 шілдеден бастап барлық Al Hilal төлем карталары бұғатталды.

Сонымен қатар, оның акционері БАӘ-нің ADCB банкі Қазақстанда «шариғатқа сәйкес корпоративтік банктік қызметтерді ұсыну хабын» құрмақ. Абу-Даби үкіметі ADCB акцияларының 62,52% иеленеді; қалған бөлігі жеке компаниялар мен жеке тұлғалардың меншігінде.

Абу-Даби Коммерциялық банкі (ADCB) Қазақстанда шариғатқа сәйкес корпоративтік банктік қызметтерді ұсынатын хаб ашады. Бұл араб банкінің Орталық Азиядағы қатысуын кеңейтуге мүмкіндік береді. 

Сонымен қатар, ADCB-нің Қазақстандағы еншілес ұйымы Al Hilal ADCB исламдық банкинг бөлімшесі аясында корпоративтік қаржылық өнімдер мен қызметтерге ребрендинг жасап жаңаша бағытта  ұсынатын болады. 

Банк акционері Қазақстандағы қазіргі уақытта Al Hilal жүзеге асыратын  азаматтарға жеке қызмет көрсетуді   біртіндеп тоқтатады. Бұл ретте банк өзінің жеке клиенттеріне банктік қызмет көрсетудің балама нұсқаларына көшуде қолдау көрсетуге уәде берді.

Еске сала кетейік, Al Hilal 2010 жылы ашылған  Қазақстан мен ТМД елдеріндегі алғашқы ислам банкі. ADCB 2019 жылы Al Hilal банкін сатып алу аясында Қазақстандағы «Al Hilal Islamic Bank» АҚ сатып алған. Сондай-ақ  Al Hilal Қазақстандағы 21 банктің ішінде 20-шы орында тұр. Оның активтері 154,5 млрд теңгені, несие портфелі 92 млрд теңге болды.