1 мамырдан бастап «ҚазТрансОйл» мұнай тасымалдау тарифтерін айтарлықтай көтерді

Бір ай бұрын «ҚазТрансОйл» ұлттық компаниясы 1 мамырдан бастап Қазақстан арқылы мұнай тасымалдау, экспорттау және транзиттік тасымалдау тарифтерін көтеретінін ескерткен. Тарифтер 100-300 пайызға өсті, деп хабарлайды Orda.kz.

Осылайша, мұнай айдау станциясында теміржол цистерналарына мұнай құю тарифі Т.Қасымов мұнай айдау стансасында  1 мамырдан бастап 1 тоннасы 1213,20 теңге (бұрын 409,57 теңге) болды. Стансада мұнайды ауыстырып тиеу тарифі Каспий құбыр консорциумы (КҚК) жүйесіне жылытусыз мұнайдың 1 тоннасы үшін 122,91 теңгеден 263,49 теңгеге (ҚҚС-сыз) көтерілді, делінген компания сайтында.

Сондай-ақ қазір аталған стансадан мұнай жылытуы бар КТК жүйесіне мұнайды ауыстырып тиеу тарифі 1 тоннаға 320,09 теңге (бұрын 128,43 теңге) болды.

Мақат мұнай айдау стансасындағы мұнайды Кеңқияқ-Атырау мұнай құбырына ауыстырып тиеу тарифі 1 тоннаға 2283,27 теңге (бұрын 1118,10 теңге) болып белгіленді; «Кеңқияқ» бас мұнай айдау стансасында мұнайды ауыстырып тиеу – 1 тоннаға 337,5 теңге (бұрын 89,15 теңге) болды.

Бір бағыт бойынша оператор қызметінің тарифі 1 тоннаға 84,47 теңге (бұрын 41,45 теңге) болып белгіленді. Ал Н.Шманов атындағы  мұнай айдау стансасынан  мұнайды ауыстырып тиеу  «Кеңқияқ – Атырау» мұнай құбырына республикадан тыс экспортқа шығару үшін 1000 теңге/тонна (бұрын 500 теңге) болып белгіленді.

Барлық сомалар қосылған құн салығынсыз көрсетілген, деп қосты компанияның баспасөз қызметі. «ҚазТрансОйл» АҚ ұзындығы 5,4 мың шқ болатын магистральдық мұнай құбырларының әртараптандырылған желісіне иелік етеді.

Айта кетейік, бұған дейін Астанада Энергетика министрлігінің жанында мұнай саласы қызметкерлерінің ереуілі өткен болатын.

Маңғыстау облысынан елордаға екі жүзге жуық адам келгенімен, кешке қарай олар бірнеше минутқа қатаң қамауға алынды. Orda.kz жұмысшылардың талабы неге қабылданбауы керек, жаңаөзендіктер неліктен мемлекеттік кәсіпорынға жұмысқа орналасуды талап етіп жатқаны туралы сарапшылардың пікірін зерттеп, ұсынған болатын.