1 мамырда Горький саябағы жабық болады

1 мамырда Алматыдағы Горький саябағы дезинфекциялық жұмыстарға байланысты жабық болады.

Бұл туралы Orda.kz саябақтың әкімшілігіне сілтеме жасап хабарлады.

– 1 мамырда санитарлық-дезинфекциялық шараларға байланысты Алматы қаласының орталық мәдениет және демалыс саябағы жабылатынын хабарлаймыз, - делінген хабарламада.

Бұған дейін 1 және 2 мамырда қоғамдық көлік Горький саябағына жүрмейтіні белгілі болды. Кейбір автобус маршруттарына өзгерістер енгізілді. Әкімдік Гоголь көшесі толығымен жабылатынын, қала тұрғындары параллель көшелермен жүруі керек деп қосты.

Қазақстанда 1 мамырда рұқсат етілмеген митингтер өткізу жоспарланғаны белгілі. Алматыда олар митингті Горький саябағында өткізгісі келді.

Елорда прокуроры Бауыржан Мырзакеров Нұр-Сұлтан тұрғындарын жауапкершіліктерін еске салып, рұқсат етілмеген акцияға қатыспауға шақырды.