1 қаңтардан бастап белсенді емес жеке кәсіпкерлерде жаңа міндеттеме пайда болады

2024 жылғы 1 қаңтардан бастап әрекетсіз дара кәсіпкерлерде жалпыға бірдей декларациялау бойынша жаңа салық есептілігін ұсыну бойынша міндеттеме пайда болады. Бұл туралы Қаржы министрлігінің мемлекеттік кірістер комитеті хабарлады.

2024 жылдан бастап Қазақстан Республикасында жалпыға бірдей декларациялаудың III кезеңі енгізіледі, оның шеңберінде «активтер мен міндеттемелер туралы Декларацияны» (250.00-нысан) заңды тұлғалардың басшылары, құрылтайшылары (қатысушылары) және дара кәсіпкерлер, сондай-ақ олардың жұбайлары ұсынуға міндетті.

Елімізде барлығы 27 954 жеке кәсіпкер әрекетсіз деп танылды, оған 2024 жылғы 1 қаңтардан бастап жалпыға бірдей декларациялау бойынша салық есептілігін ұсыну міндеті жүктеледі (250.00-нысан).

«Сіз белсенді емес ЖК екеніңізді тексеру үшін Мемлекеттік кірістер комитетінің интернет-ресурсына, «Электрондық сервистер» мәзіріне, «сенімсіз салық төлеушілерді іздеу» бөліміне өтуіңіз қажет. Осыған байланысты Комитет ЖК-нің әрекетсіздер тізімінде болуы туралы екінші деңгейдегі банктердің мобильді қосымшалары арқылы push-хабарламаларды іске қосты».

Салық төлеушілер салық декларациясын беру жөніндегі норманы қолданысқа енгізу мерзіміне дейін 60 күнтізбелік күн қалғанын ескертеді.