Жастар Әлихан Бөкейханды білмейді — блиц

Саяси қуғын-сүргін құрбандарын еске алу күніне орай Оrda.kz редакциясы Алматы көшелерінен сауалнама жүргізді.

Нәтижесінде… Ешкім де ауыз толтырып, тұлғаларымыз жайлы айтып бере алмады. Жас ұрпақ түгілі, орта буын да бұл күннен бейхабар, оның құрбандары жайлы білмейді. Алашорданы Ирина Қайратовнаның әнінен біледі екен. Бірақ нақты кімнің кім екенін, қандай ісімен есте қалғанын айта алмады. 31 мамырдың нендей күн екенін білетін бір ғана адам табылды.

Ол кісінің өзі сайрап тұрғанымен, мектепте оқитын қыздары хабарсыз болып шықты.

— «Ғаламторда тұр бәрі, оқып танысып шығыңдар, дайын дүниені оқымайсыңдар» деп ұрсып жатты. Ал қалған жұрт сұрағымызды естіген соң, жауап бере алмай, теріс айналып қашты. Иә, Мағжан «сенген жастардың» бүгінгі күйі осындай. Тәуелсіздік құнын білмейтін жаннан ұлт құндылығын ұлықтайтын тұлға шыға ма?