Зейнетақы қаражатын заңсыз шығарған: Қазақстанда 143 стоматологиялық емхана жабылды

Медициналық және фармацевтикалық бақылау комитеті жеке медициналық ұйымдарды жаппай тексерді, деп хабарлайды Orda.kz. 

Денсаулық сақтау министрлігінің мәліметінше, 2025 жылы жүргізілген тексеру қорытындысы бойынша Қазақстанда 400-ге жуық денсаулық сақтау субъектісі қызметін тоқтақан. 

Тексеріс әсіресе жеке емдеу бөлмелеріне, наркологиялық оңалту орталықтарына және стоматологиялық клиникаларға жүргізілген. Стоматологиялық клиникаларға қатысты жалпы 313 нысан тексерілген. Нәтижесінде 143 клиника өз еркімен жұмысын тоқтатқан. 

Тексерістерге зейнетақы жинақтарынан ондаған миллиард теңгенің шығарылуына байланысты жанжал түрткі болған. Былтырғы 9 қыркүйекте Қаржылық мониторинг агенттігінің төрағасы Жанат Элиманов мемлекет басшысына зейнетақы жинақтарын заңсыз қолма-қол ақшаға айналдыруға қатысты резонанс тудырған деректер туралы баяндады.

Агенттік стоматологиялық қызметтерге төлем жасалды деген желеумен БЖЗҚ-дан 200 миллиард теңгенің негізсіз алынғанын анықтады. Қаражат көлеңкелі схемалар арқылы шығарылған.

Оқи отырыңыз: 

• Медициналық колледждерге түсу ережесі өзгерді
• Қазақстандықтар енді пластикалық ота жасату үшін зейнетақы жинағынан ақша ала алмайды