Телефон алаяқтары технологияны қазақ тіліне бейімдеуді үйренді

Алаяқтар жасанды интеллектінің арқасында қазақша сөйлей бастады, деп хабарлайды Orda.kz ІІМ-ге сілтеме жасап.

Ведомство белгісіз абоненттің қоңырауына жауап бергенде дұрыс құрастырылмаған сөз тіркестеріне және қазақша буын үндестігінің жоқтығына назар аудару керегін баса айтады. 

«Олар шынайы адамның дауысын салып, мәтін құрастырып, қоңырау шалып,  хабар жібере алады. Мысалы, банктің, құқық қорғау органдарының немесе сіздің жақындарыңыздың атынан да хабарласа алады. Сондай-ақ, алаяқтар белгілі адамдардың немесе олардың туыстарының жалған суреттерін жасау үшін Deepfake технологиясын пайдаланады» деп ескертеді полиция. 

Ведомство тек ресми дереккөздерге ғана сеніп, ешқашан өз жеке деректеріңізді (ЖСН, банк шоты, құпия сөздер) бермеу керектігін еске салады.

Бұған дейін «Орда» газеті жеңіс күні қарсаңында интернетке «Өшпес полк» акциясына шығуға шақыратын  дипфейктер көбейіп кеткенін жазған болатын.

Оның алдында әкімдер атынан «сөйлеген»  жалған ЖИ роликтер таралды.