Талғардағы қанды қылмыстың құрбанын туыстары жер қойынына тапсырды

Талғар ауданының Қызылқайрат ауылында қанды қылмыстың құрбаны болған 30 жастағы марқұмды жер қойнауына тапсырды. Талғар полициясы қыз зорлау фактісінен кейін босатып жіберген ер адам ертесіне зорланған қыздың ағасын жүрек тұсынан екі рет атып, 3 жасар қызды кепілдіке алып кетіп суицид жасамақшы болған, деп хабарлады Orda.kz.

Бүгін Талғарда кісі қолынан қаза тапқан 30 жастағы Ернар Тұрғанбековты туыстары жер қойнына тапсырды. Марқұмның артында жүкті әйелі мен үш баласы қалды.

Айта кетейік, елді дүр сілкіндірген қылмысқа себепші, қыз зорлап, сурет пен бейнежазбаға жалаңаш түсіріп, қорқытып-үркіткен ер адамды ауыл тұрғындары полицияға ұстап тапсырған.

Арада бір күн өткен соң күдікті жанына екі-үш жігітті ертіп, қыздың үйіне қайта оралды. Жолай дүкенге бара жатқан 30 жастағы Ернарды көліктен түсіп, көптің көзінше жүрек тұсынан екі рет атып өлтірген. Кейін үйге кіріп, отбасы мүшелерін қорқытып, 3 жасар бүлдіршінді кепілге алған.

Сонымен қатар, прокуратура осы оқиғадан кейін полицияға қатысты қылмыстық кодекстің 370-бабы 4-бөлігі (лауазымды тұлғалардың әрекетсіздігі) бойынша іс қозғады.

Оқиғаның мән-жайын Orda.kz тілшісінің репортажынан оқыңыздар.