Шопан даладан зымыранның сынықтарын тапты

Атырау облысында шопан зымыран сынықтарын тапты.

Сүйіндік ауылынан үш шақырымдай жерде мал бағып жүрген шопан белгісіз оқ-дәрі тауып алған. Полиция бұл факті бойынша тергеуді бастады.

«Қазіргі уақытта Құрманғазы аудандық полиция басқармасының қызметкерлері жедел-іздестіру шараларын жүргізіп жатыр. Атырау облысы ІІД «Арлан» арнайы жасағының саперлары оқиға орнына Атырау қаласынан шығып кетті» деп хабарлайды Atyrau Press.

Зымыранның аты мен техникалық сипаттамалары әлі анықталып жатқаны нақтыланды.