Шерзат соты: Қаржаубайдың адвокатына шұғыл жедел жәрдем шақырылды

Талдықорғанда 16 жасар Шерзат Полаттың өліміне қатысты сот отырысы өтіп жатыр. Сот отырысында жәбірленушілердің адвокаты Мейірман Шекеевтің жағдайы күрт нашарлап кетті. Orda.kz сайтының оқиға орнында жүрген тілшісі жедел жәрдем келіп жеткенін мәлімдеді. 

«Адвокаттың қан қысымы көтеріліп кеткен көрінеді. Қазір бір қалыпқа келді», — деді тілшіміз.  

Қазіргі уақытта сот отырысы жалғасып жатыр. Адвокат сот отырысына қатысып отыр. 

Еске сала кетсек, күдіктілер жауап беруді бастап кеткен болатын. Әуелі Дархан Әскентай, ағайынды Тоқтаубаевтар, Шыңғыс Белғожаев, Нұрқияс Ілиясов жауап берді. 

Олардың көбі әуелде тергеу кезінде берген жауаптарынан бас тартып, өздеріне тергеушілердің қысым көрсеткенін айтты.