Сағынтаев Үндістаннан студенттерді «жасырын» әкелу әрекеті болғанын айтты

Алматы қаласының әкімі Бақытжан Сағынтаев қаладағы жоғары оқу орындары ректорларының Үндістаннан студенттерді әкелуге тырысқан әрекеттері туралы айтты. Үндістанда қазір коронавирустың жергілікті штаммымен ауру өршіп тұрғаны бүкіл әлемге белгілі.  

Бұл туралы Orda.kz. хабарлады.

Әкімнің айтуынша, жоғары оқу орындары басшылары студенттерді Алматыға әкелгісі келген, себебі оқу орны үшін ол тиімді.

— Бізде онсыз да британдық және оңтүстік африкалық штамдар бар. Енді үнді штамы жетіспей тұрғандай... Жақында бізге Үндістаннан студенттер жеткізуге тырысушылықтар болды. Ол жерден барлығы қашып жатыр. Ал, біздің кейбір ректорларымыз университетке доллармен түсетін белгілі бір ақшаны ғана ойлайды, - деп ашуланды Сағынтаев.

Кейбірі осылай айласын асырғысы келді. Бірақ біз оны тоқтатып, алдын алдық, - деді Алматы әкімі мәслихат сессиясында.

Үндістан денсаулық сақтау министрлігінің статистикалық мәліметтеріне сәйкес, қазір Гоада 32 мыңға жуық ковид ауруы бар. Соңғы тәулікте 67 адам қайтыс болған.